Pagina nueva 1

Falsos intereses

    Tivemos un problema fai algo mais dunha semana, a piscina municipal, e polo tanto o ximnasio, foron pechados sen previo aviso e unilateralmente pola empresa concesionaria. O Concello, do mesmo xeito que os abonados, atopouse da noite para a mañá cun problema de difícil solución inmediata. Foi por este motivo que algúns abonados, reunidos nunha plataforma de afectados pola pechadura, decidimos actuar para conseguir que o servizo se renove o máis axiña posible. Con este fin programouse unha convocatoria de concentración para esixir que se respecten os nosos dereitos, búsquese unha solución para que non perdamos a cota de inscripción e póñanse en funcionamento as instalacións.
    Esta convocatoria foi, momentáneamente, suspendida ata coñecer as resolucións que se tomarán no pleno extraordinario que se celebrará o día 12, acordo tomado logo de falar co alcalde e recibir a súa palabra de que se buscaría unha inmediata solución. ata aquí todo ideal, como debe funcionar en democracia, sen presións, con acordos e compromisos, e, sobre todo, con boa vontade por todas as forzas sociais. pero apareceron os intereses partidistas, aqueles a quen pouco lles interesan as solucións, e malia ser eles mesmos quen solicitaron o pleno extraordinario para tratar o tema, aproveitáronse da sensibilidade cidadá respecto ao mesmo, e das xestións que xa estaba levando a cabo a plataforma, para convocar unha concentración-mitin co obxectivo de atacar e desgastar ao goberno, sen ningunha proposta nin tampouco en defensa dos usuarios da piscina, que era do que en principio se trataba. como é lóxico, tanto a plataforma de afectados como AVIM, se desmarcaron desta manobra rexeitando rotundamente que os nosos dereitos sexan usados para conseguir vantaxe política por ningún partido. Paréceme vil e de moi baixa moral actuar do xeito que o fixeron estas persoas, quen queren gobernar custe o que custe e demostran o seu interese polo Concello con malas artes e poucas propostas. O problema da piscina municipal non comezou co actual goberno, aínda que os mesmos non tomasen as medidas adecuadas para non ter que chegar a esta situación. O problema comezou desde o mesmo momento da construción, cando o goberno, entón socialista, non acepto os proxectos propostos pola diputación i empeñouse en facer un proxecto propio que nos costou case 50 millóns de pesetas de sobre-custo na obra, a cal, debido aos cambios na distribución converteuse nunha instalación pouco mais que, económicamente, imposible de soster. Logo chegaría a concesión, sendo alcaldesa xa doña Caridade González, entón se agravó o problema ao conceder a explotación das instalacións a unha empresa sen experiencia neses menesteres, unha empresa que ten como actividade principal o ensino e formación de adultos e que, inexplicablemente, foi a elixida para facerse coa concesión, antepoñéndose a ofertas de empresas con probada experiencia no sector. O problema continuou cun mal mantemento, un trato inadecuado por parte dalgúns empregados cara aos abonados que, pola forma de tratar aos socios, daba a impresión de estaren postos por recomendación e protexidos por non se sabe que tratos secretos. Estes rumores foron, durante o tempo que aquilo estivo funcionando, unha constante entre os que alí asistían periódicamente. Sempre pensei que os rumores non teñen porque ser necesariamente certos e por este motivo non quero opinar respecto diso, todos coñecemos a quen alí traballaban e podemos sacar as nosas propias conclusións. O caso é que todos estes detalles fixeron que moita xente solicitase a baixa ao non atoparse a gusto co servizo, o cal provocou unha notable disminución de socios, e polo tanto tamén de ingresos. a empresa decidiu reducir custos quitando servizos, o cal provocou aínda mais baixas, e así ata que decidiron que xa non era rendible e pecharon. Mentres a obra foi nova beneficiáronse todos os que puideron, en canto deixou de ser o pobo quen asumise os gastos cos seus impostos a lavarse as mans.
    Do mesmo xeito que a piscina ocorre con outras moitas obras e servizos do Concello. Non esquezamos que hai pouco mais dun ano que temos a este goberno, que por certo, desde aquí critico pola súa falta de solucións aos problemas que ten o noso Concello, dedicando mais esforzos aos seus intereses partidistas que ao ben común. pero en canto ao tema que nos incumbe non podemos descargar culpas sobre quen só levan uns meses xestionando os nosos recursos, 25 anos levou o PSOE exercendo estas funcións e á vista de todos están os resultados, falta de traballo, pechadura de comercios, propiedades municipais en total abandono, redución de servizos básicos, emigración, poucas ou nulas oportunidades de progreso, a non ser que foses amigo ou familia dos gobernantes de quenda, e nos últimos anos de goberno socialista puidemos notar ata presións políticas e sociais cara a aqueles que non eran afines ao partido no poder. Por todo isto repudiamos a actitude da oposición esixindo explicacións que eles deberían dar primeiro, responsabilidades que foron, polo menos, compartidas, decisións que eles levaron anos sen tomar e unha xestión transparente e democrática, algo que eles xamais fixeron. Todos son responsables e a solución pasa por recoñecer os seus erros e demostrar ao pobo dunha vez por todas que realmente desexan o mellor para Muros, todo o demais son patrañas que xa moi poucos se cren, estanse a quedar sos, cos seus incondicionais e aqueles que están dispostos a estar toda a súa vida pagando pequenos favores.

J.M.B:S